Exteriur - Morgan Stanley sto pajar in chastì da 2,6 milliardas dollars
En ils Stadis Unids duai la banca Morgan Stanley pajar 2,6 milliardas dollars en connex cun ina dispita d'ipotecas. Quai è il resultat d'ina enclegientscha cun las autoritads americanas.
La raschun per il chastì sajan fatschentas dubiusas da la banca americana durant il temp da la crisa da finanzas il 2008, uschia communitgescha Morgan Stanley.
La cunvegna en la dispita d'ipotecas succeda suenter in conflict sur onns cun il misteri da giustia american. Pervi dal chastì sa reduceschia il gudogn da la banca per radund la mesadad.
