L'architecta britannica cun ragischs iracaisas saja morta surprendentamain d'in infarct dal cor, ha communitgà ses biro d'architectura a Londra. Avant saja ella stada en tractament pervi d'ina bronchitis.
Bajetgs sin l'entir mund
Zaha Hadid ha concepì tranter auter il stadion da nudar olimpic a Londra, il Museum naziunal per art moderna a Roma ed il Rosenthal Center per art contemporana en la citad americana Cincinnati. Per la Svizra ha l’architecta fatg plirs projects, nagins da quels n’èn dentant vegnids realisads.
Premis impurtants
Ed il 2004 a Zaha Hadid survegnì sco emprima dunna il premi Pritzker, il pli impurtant premi d'architectura. Ed il 2009 ha ella survegnì il Praemium Imperiale giapunais.
RR Novitads 20:00