Siglir tar il cuntegn

Header

In boub lava ses mauns per prevegnir al virus d'ebola.
Legenda: Il mortori en la Sierra Leone vegn attribuì directamain al virus d’ebola. Keystone
cuntegn

Exteriur Mortori d'ebola en la Sierra Leone

Gnanc 24 uras suenter che l'Africa dal Vest è vegnida declerada sco libra da l'epidemia d'ebola, annunzia la Sierra Leone in mortori dubius d'in mattet.

Dus tests fatgs d'experts britannics vi d'il mattet murì hajan confermà il suspect da ebola, annunzia l'emettur britannic BBC e sa referescha sin il ministeri da sanadad da la Sierra Leone.

Pir la gievgia aveva l'Organisaziun mundiala da la sanadad WHO declerà che l'entira Africa dal Vest saja liberada da l'epidemia d'ebola.

Gia ils 7 da november era la Sierra Leone vegnida declerada libra da l’epidemia, la Guinea ils 29 da december. La Liberia è il terz pajais, nua che l’ebola era rutta ora avant dus onns. Passa 11’300 morts èn d’attribuir al virus.

RR novitads 06:00

Artitgels legids il pli savens

Scrollar a sanestra Scrollar a dretga