Ina tissientada cun in pesticid è probabel la raschun per la mort misteriusa da 18 persunas en la Nigeria. Quai tenor valitaziuns da l'organisaziun da sanadad mundiala WHO.
Las unfrendas eran mortas entaifer in di. Suenter avair gì ferm mal il chau e pers la vesida, avevan ellas pers la schientscha. Quai communitgeschan las autoritads localas. Tenor l'universitad da Lagos pon ins sclauder virus e bacterias. Ina sumeglientscha cun Ebola na dettia quai betg.
