Siglir tar il cuntegn
Inhalt

Exteriur Moscau: Nawalny puspè liber

Suenter in chasti d’arrest da 25 dis è il politicher d'opposiziun russ Alexey Nawalny puspè liber. Tenor sia pledadra saja el arrivà tar la sedia da l’organisaziun cunter la corrupziun, che Nawalny sez ha fundà.

Alexey Nawalny en in biro da l’organisaziun cunter la corrupziun.
Legenda: Puspè liber – Alexey Nawalny en in biro da l’organisaziun cunter la corrupziun. Keystone

Nawalny era vegnì transportà curt avant ch’el è vegnì laschà liber dad ina praschun en in’autra. Quai saja stà per pudair evitar ch’il mument possia vegnir filmà, ha communitgà la pledadra da Nawalny vinavant.

In tribunal russ aveva sentenzià ad Alexey Nawalny il zercladur en ina procedura sperta ad in chasti d’arrest, perquai ch’el haja appellà da demonstrar en tut la Russia cunter corrupziun.

Nawalny vul candidar il 2018 cunter Wladimir Putin en l’elecziun per il presidi russ.

RR novitads 15:00