Persunas da tut las vegliadetgnas èn sa ramassadas en il center da la chapitala cun rosas e neglas, surveglià dad ina mobilisaziun a l'engronda da forzas da segirezza. Sin placats è tranter auter stà da leger "Jau hai tema - tgi è il proxim?”
Ils organisaturs han inditgà il dumber da participants al marsch da cordoli cun passa 70'000, la polizia discurra da passa 16'000.
Publitgà video dal lieu dal delict
Suenter l'assassinat da Nemzow ha in emettur da televisiun da Moscau publitgà in video da surveglianza dal lieu e dal temp dal delict. Las autoritads d'inquisiziun russas averteschan dentant da trair conclusiuns memia spertas areguard ils blers rapports da medias enturn l'assassinat dal criticher dal president Wladimir Putin.
Ils investigaders han tranter auter refusà in rapport davart la scuverta da l'auto da fugia. Las autoritads averteschan entant dad ina dischinfurmaziun da la publicitad.
RR novitads 15:00
