Mossul: 1,5 milliuns civilists traplads, cumbatts cuntinueschan

Per ils civilists ch’èn serrads en amez l’offensiva encunter il Stadi islamic pretenda l’organisaziun per dretgs umans Save the Children in corridor da fugia. Da l'offensiva rapporta l'armada iracaisa in proxim success. Ella saja pentrada en la citad da Mossul.

In mattet dadens in auto. Bild in Lightbox öffnen.

Legenda da maletgs: El ha pudì vegnir salvà – millieras dad auters uffants èn dentant traplads en la citad iracaisa Mossul. Keystone

Ils 1,5 milliuns civilists - tranter dad els er 600’000 uffants - duain pudair bandunar la citad a moda segira, pretenda l'organisaziun.

Unitads spezialisadas dal militar iracais han entant cuntanschì ils quartiers en il sid-ost da Mossul. Ella rapporta da controllar entant il bajetg dad in dals emetturs da televisiun.

Malgrà il success al cunfin da la citad dastgass la battaglia per l'ultima bastiun da la milissa da terror en Irac anc cuzzar emnas u schizunt mais. Tenor reporters al lieu presta la milissa da terror gronda resistenza – e quai senza remissiun e misericordia per ils 1,5 milliuns civilists ch’èn traplads en la citad. L'offensiva per liberar la citad dal Stadi islamic aveva cumenzà avant duas emnas.

RR novitads 06:00