L’autur Salman Rushdie è vegnì attatgà cun in cuntè durant in referat en il stadi federativ da New York. Tenor la polizia è l’autur da 75 onns vegnì blessà al culiez. Ella haja arrestà in culpabel suspectà da 24 onns da New Jersey. Rushdie saja vegnì transportà en l’ospital. Tenor ses agent vegn l'autur respirà artifizialmain. Pervi da sia blessura pudess el perder in egl. Er saja ses dir vegnì blessà da l'attatga.
En mira dad islamists
Ils onns 80 è l’autur britannic cun ragischs indicas vegnì crititgà ferm en stadis islamics pervi da blasfemia en ses cudesch dispitaivel «Die satanischen Verse». Quest roman è vegnì scumandà en ils stadis islamics. Il manader politic e religiun da l'Iran da lez temp aveva cumandà da mazzar Rushdie.