Concret munta quai che Munich Re na veglia betg pli investir en interpresas che fan dapli che 30% da lur svieuta cun charvun. Quai ha declerà il schef da la suprastanza da Munich Re, Joachim Wenning en la gasetta «Frankfurter Allgemeine Zeitung». Plinavant na vul la reassicuranza betg pli assicurar ovras d'energia da charvun u minas da charvun en pajais d'industria.
Munich Re vegnia a midar sia strategia d'energia uschia ch'ella saja adattada a la finamira da dus grads da la cunvegna da clima da Paris. Il charvun saja per las pli grondas emissiuns da CO2 en la sparta dal material d'arder.
RR novitads 09:00
