Siglir tar il cuntegn

Header

cuntegn

Exteriur Muslim gudogna l’elecziun da burgamester a Londra

La citad da Londra ha per la prima giada elegì in muslim sco nov burgamester. Il candidat da la partida Labour Sadiq Khan ha fatg la cursa cunter ses concurrent, il conservativ Zac Goldsmith.

Tenor ils resultats uffizials che l'emettu BBC ha communitgà, ha Khan gudagnà cleramain l'elecziun cun 57% da las vuschs, quai èn passa 13% dapli che Goldsmith. Cunquai surpiglia la partida da lavur suenter 8 onns puspè il timun da la chapitala englaisa. Ils ultims 8 onns è il burgamester conservativ e criticher da l'UE Boris Johnson stà a la testa.

Londra ha decis per la speranza entagl per la tema.
Autur: Sadiq Khan nov elegì burgamester da Londra

El saja losch che Londra haja decis per la speranza e betg per la tema, per l'unitad e betg per la separaziun, ha ditg Khan en ses pled da victoria. En il cumbat electoral aveva ses concurrent rinfatschà ad el d'avair gì contacts tar islamists extremists.

Il nov burgamester è cuntrari a ses antecessur Johnson per che la Gronda Britannia restia part da l'Uniun europeica. Ils 23 da fanadur decidan ils Brits davart il referendum.

Gratulaziuns da l'entir mund

Politichers da l'entir mund han gratulà al nov burgamester da per sia victoria. Uschia ha la burgamestra da Paris Anne Hidalgo communitgà via Twitter, ch'ella saja persvadida ch'il pievel da Londra profiteschia dal umanissem e da la progressivitad da Sadiq Khan.

Il parsura da New York Bill de Blasio ha gratulà al nov burgamester per ses cumbat per spazi da viver pajabel.Schizunt la sora da ses rival Zac Goldsmith ha gratulà. Khan saja in grondius exempel per giuvens muslims.

RR novitads 06:00

Artitgels legids il pli savens