Siglir tar il cuntegn

Header

cuntegn

Exteriur «My heart will go on» cumponist James Horner è mort

Il cumponist american da musica da film James Horner è mort. Horner ch'aveva 61 onns ha tranter auter cumponì la musica per ils films Titanic, Braveheart, Apollo 13 u Avatar è crudà giu cun ses aviun pitschen, rapportan medias americanas.

Tenor la revista Variety è il cumponist sa disgrazia a Santa Barbara en la California. James Horner è in dals cumponists da musica da films cun il pli grond success. Il 1998 aveva el survegnì dus Oscars: in per la musica da film da «Titanic» dal reschissur James Cameron e tschel per la chanzun principala «My heart will go on» era or dal film «Titanic», chantada da Céline Dion.

Schanzas da gudagnar in Oscar aveva el era gì cun la musica da films dad «Aliens», «Braveheart», «Apollo 13» e sco ultim cun la musica dal film «Avatar», in ulteriur film da James Cameron.

RR novitads 10:00

Artitgels legids il pli savens