Radund 4'000 persunas han las davosas trais emnas stuì bandunar lur chasas e vischnancas en il stadi federativ Kachin en il Myanmar. Il motiv èn novs cumbats tranter l'armada ed ils rebells.
Dapi l’entschatta da l’onn era gia radund 15'000 persunas fugidas. Fin a 90'000 vivan en champs da fugitivs. Ina pausa da cumbat tranter la regenza e l'organisaziun da rebells Kachin Independence Army aveva fatg naufragi il 2011.
Er en il vest datti conflicts
Al conflict en il nord han ins enfin uss dà pli pauca attenziun che a la situaziun en la part dal vest, nua che la minoritad muslima dals Rohingya vegn supprimida dapi decennis. L'avust 2017 era la situaziun escaladam perquai ch'ils Rohingya avevan attatgà radund in tozzel forzas da segirtad. Il militar aveva reagì cun violenza brutala ed aveva destruì lur martgas. Plinavant rapportan fugitivs da mazzaments e violaziuns.
RR novitads 10:00