Siglir tar il cuntegn

Header

Pledader.
Legenda: Las autoritads infurmeschan davart l'ultima violenza. Keystone
cuntegn

Exteriur Myanmar: Violenza escalescha

En il vest dal pajais asiatic èn almain 12 persunas mortas da violenza etnica.

Sco quai che las medias statalas rapportan, haja dà grevs cumbats tranter truppas da la regenza e cumbattants armads en il stadi federativ da Rakhine. Quel è populà da la minoritad muslima dals Rohingya. L'armada ha stuì sa defender cunter plirs tschient umens armadas cun spadas.

Dapi la dumengia ha l’armada percurrì la regiun al cunfin cun il Bangladesch suenter che nov schuldads èn vegnids mazzads tar attatgas coordinadas.

Il Myanmar - avant Burma - era fin il 2011 ina dictatura militara. Ils ultims onns han militars en civil manà il pajais. Il november 2015 han gì lieu las emprimas elecziuns libras dapi 25 onns.

Gudagnà las elecziuns ha la partida da la purtadra dal Premi Nobel da la pasch Aung San Suu Kyi, «Liga naziunala per la democrazia» (NLD). Sco president è vegnì saramentà ses confidà Htin Kyaw.

RR novitads 09:00

Artitgels legids il pli savens

Scrollar a sanestra Scrollar a dretga