La pilota militara da l'Ucraina Nadeschda Sawtschenko è vegnì declerada culpanta d'avair mazzà dus schurnalists russ. Quai rapporta l'agentura da novitads russa Interfax, che rapporta da la dretgira da la citad russa Donezk, al cunfin cun l'Ucraina.
Moskau rinfatscha a Sawtschenko d'esser stada participada al mazzament dals schurnalists en il territori da guerra en l'Ucraina da l'ost. Ella haja agì ord odi politic, uschia ils derschaders. Il process è vegnì crititgà vehementamain en l'entir mund. Sawtschenko sto probabel restar en Russia en praschun. Il chasti per la pilota vegn probabel communitgà damaun. La procura publica pretenda 23 onns praschun en in champ da lavur.
