Siglir tar il cuntegn
cuntegn

Exteriur Nagin budget 2019 per l’UE

Las tractativas tranter il parlament da l'Uniun europeica ed ils stadis da l'UE davart il preventiv da l'onn che vegn han fatg naufragi. Fin a glindesdi a mesanotg avessan il parlament ed il cussegl dals stadis commembers stuì vegnir perina.

Bancnotas e munaida en la valuta Euro.
Legenda: Ils pli gronds posts d’expensas da l’UE èn l’agricultura e regiuns povras dals pajais commembers. Reuters

Ins n'haja chattà nagin consens, ha communitgà l'Austria che presidiescha il cussegl. Il pli dispitaivel tar las contractivas è stada, tenor diplomats, la dumonda co finanziar expensas pli grondas.

Budgets d'urgenza sco ultima soluziun

Ussa sto il cumissari dal budget, Günther Oettinger, preschentar in nov sboz. Oettinger da sia vart ha annunzià ch’el vegnia a far quai «en intgins dis». Sch’i na dat nagin cumpromiss fin il prim da schaner sto l'UE vegnir a frida cun budgets d'urgenza.

Mintga mais stess lura in dudeschavel dal budget da l’onn avant a disposiziun. Questa situaziun è surtut disfavuraivla cura ch’i va per planisar projects a lunga vista.

RR novitads 6:00