Exteriur - Nagin crim cunter l’umanitad sin il Maidan
Durant la cupitgada da l'anteriur president ucranais Viktor Janukowitsch d'avant dus onns a Kiew ha quai bain dà grevas violaziuns dals dretgs umans, però nagin crim cunter l'umanitad. A questa conclusiun vegn la schef-accusadra dal Tribunal penal internaziunal a Den Haag.
La violenza sin la plazza Maidan saja bain stada drizzada cunter la populaziun civila. I na dettia però betg avunda cumprovas che quella saja stada sistematica.
Durant las emnas fin la cupitgada da Viktor Janukovitsch il favrer 2014 aveva quai dà craval violents a Kiew. Radund 100 persunas eran vegnidas mazzadas.
