Dapi 1300 onns exista schon il conflict. In conflict che ha survivì enfin oz. L’Arabia Saudita cumbatta cunter il Iran per la predominanza en l’Arabia. Il pajais per gronda part sunnit cunter il pajais per gronda part schiit. In cumbat religius, savess ins pensar. Dentant e tut in zic pli cumplitgà.
La differenza tranter schiits e sunnits
La gronda differenza tranter questas duas sorts da muslims è la definiziun da la successiun da Mohammed.
- Schiits èn cunzunt derasads en l’Iran, Aserbaidschan u Bahrain. Ils schiits èn dal maini che il successur da Mohammed sto esser in direct descendent da la famiglia da Mohammed.
- Sunnits èn cunzunt en la gronda part dals auters pajais. In grond è l’Arabia Saudita. Tar ils sunnits na èn ins uschè severs. Là sto igl mo esser ina persuna da la famiglia da Mohammed.
Uschè han las duas sorts da muslims dispitta davart il successur da lur religiun.
Religiun sco motivaziun per conflict
Sco che l’expert dal conflict Georg Brunold declera vegn la religiun duvrada per dar a la glieud ina motiv ed ina identitad. Il schurnalist liber ha lavurà en l’Arabia ed è vegni ad emprender la situaziun ed ils conflicts. Uschia va igl tenor el betg simplamain per la dumonda religiusas. Dentant en emprima lingia per la predominanza en l’Arabia. Per quella dovri era la pussanza sur da la religiun.
Blers che vulan far part a la decisiun davart la predominanza
Entant na è igl dentant betg pli mo in conflict tranter l’Iran e la Arabia Saudita, dentant era ina tranter ils Stadis Unis e la Russia.
Cun quai che la guerra ha lieu en Siria, na fan ils cumbats actualmain anc betg mal al Iran u l’Arabia Saudita cun lur pajais che sustegnan. Uschia è l’interess vi da la predominanza en l’Arabia actualmain era pli gronda sco ina fin da la guerra. Per quai fa l’expert Georg Brunold era betg quint che la guerra en Siria va uschia spert a fin.
Strusch ina soluziun en il cumbat
Sco che l’expert Georg Brunold di, na vesa el a curta vista nagina soluziun tar il conflict. En la guerra substituta en Siria vegnan omaduas partidas pruvar da sfurzar tras lur interess. L’Iran vul che il president da la Siria Basschar al-Assad resta en ses post. L’Arabia Saudita vul che el va. Pia sans ins per sperar sin ina fin da la guerra en la Siria, sche in da omadus survegn tge che el vul. Dentant vegnan las dus partidas lura da tschertgar in nov conflict per as cumbatter.
RR Actualitad mezdi 11:00
