La summa totala da l'agid che la Gronda Britannia ha prestà dapi il cumenzament da la crisa l'onn 2011 munta uschia a passa 3 milliardas francs.
Questa annunzia vegn curt avant la conferenza internaziunala dals donaturs, ch’entschaiva oz a Londra. Durant la conferenza na giaja quai betg mo per daners, ha Cameron ditg. I giaja era per stabilitad, furmaziun e speranza. Ils umans en la Siria dovrian autras opziuns ch'il privlus viadi vers l'Europa.
«Per surventscher questa crisa dovri dapli daners - ed i dovra els uss» ha Cameron punctuà. E «I è pussaivel d'intermediar in sentiment da speranza. E quel è necessari per che la glieud na pensi betg pli ch'i dettia mo la soluziun da ristgar la vita sin in viadi privlus.»
RR novitads 6:00