En l'Ollanda ha il populist da la dretga, Geert Wilders, fatg naufragi cun sia pretensiun per in referendum davart la commembranza dal pajais en l'Uniun europeica. Mo 14 dals 75 deputads han votà persuenter.
Wilders aveva appellà a la regenza da scriver ora uschè prest sco pussaivel in referendum per in uschenumnà «Nexit». Tenor las leschas vertentas n'è ina votaziun dal pievel davart la commembranza da l'Ollanda en l'UE betg pussaivla.
RR novitads 20:00