Nagin privel pli pervi da bumba da la Segunda Guerra mundiala

Cun success han dus spezialists da bumbas neutralisà en la citad tudestga Augsburg ina bumba da la Segunda Guerra mundiala.

Polizia tudestga bloccescha ina via. Bild in Lightbox öffnen.

Legenda da maletgs: Ad Augsburg po la polizia puspè dar liber l’access en il center da la citad. Reuters

Suenter bunamain 4 uras saja gartegià als dus umens da neutralisar la bumba da 1,8 tonnas en il center da Augsburg, ha confermà in pledader da la polizia tudestga.

In'acziun sco dapi 70 onns betg pli

Pervi da la bumba betg explodida avevan las autoritads evacuà la dumengia fin las 10 la damaun 54’000 persunas or da lur abitaziuns. La zona da protecziun ha cumpiglià grondas parts dal center da la citad, en in radius da var 1’500 meters davent dal lieu nua che la bumba sa chattava. Quai è stada la pli gronda evacuaziun en la Germania dapi la Segunda Guerra mundiala.

Spetgà plirs dis

Chattà la bumba avev'ins il mardi passà durant lavurs da construcziun. Las autoritads avevan lura decis d’evacuar la glieud e neutralisar la bumba il di da Nadal. Da far quai pli baud avessi muntà d’impedir tut il manaschi da lavur e dal commerzi, ed in firà haja era damain traffic.

RR novitads 20:00