En ina radunanza planisada a curta vista ha il parlament refusà il sboz da lescha dispitaivel. Suenter ina segunda lectura han 352 parlamentaris vuschà per laschar crudar questa lescha. 58 eran encunter e 18 èn s'abstegnids.
Cunquai reagescha il parlament sin la critica internaziunala. La Pologna ha gia oz ina da las pli severas leschas da l'Europa, quai che pertutga interrumper la gravidanza. La nova lescha avess previs che tant ils medis, che mainan tras l'abort sco er las dunnas sezzas avessan pudì vegnir punidas cun fin 5 onns praschun.
RR novitads 12:00