Nagina chapientscha per return da Berlusconi

Ils uvestgs talians na mussan nagina chapientscha per l'intenziun da Silvio Berlusconi da puspè turnar enavos en la politica suenter ch'el è vegnì declerà innocent en l’uschenumnà process "Ruby".

Silvio Berlusconi Bild in Lightbox öffnen.

Legenda da maletgs: Ils uvestgs n'han betg per cor Silvio Berlusconi. Keystone

Ils uvestgs fan valair dubis morals. La lescha saja ina chaussa, l'aspect moral in'autra. Uschia è il secretari da la conferenza dals uvestgs talians, l'uvestg Nunzio Galantino s'exprimì a Roma.

Cunquai ha el dà d’entellir che gruppaziun catolicas da la politica taliana na sa mettian betg davos Berlusconi, sche quel veglia sa participar al cumbat electoral regiunal il zercladur.

La critica da la conferenza d’uvestgs ha chaschunà fermas reacziuns tranter ils pli fidaivels aderents da Berlusconi. Las tschantschas dals uvestgs sajan insupportablas.

RR novitads 18:00