Il president dal cussegl da l'UE, Jean Asselborn n'ha betg tradì, tgenins pajais che na veglian betg sa participar a la repartiziun. La Germania saja però sa declerada pronta da prender si 9’000 fugitivs, la Frantscha bunamain 7’000.
Nagin'offerta da la Svizra
A las tractativas a Brüssel sa participescha er la presidenta da la Confederaziun Simonetta Sommaruga. La Svizra ha annunzià da sa mussar solidarica per ch'i dettia ina schliaziun per l'entira Europa, quai sco commember da la cunvegna Schengen/Dublin. In'offerta concreta na datti per il mument però anc betg.
Tar in inscunter extraordinari ils 20 da fanadur duaja vegnir fatg in’ulteriura emprova da levgiar ils pajais ch’èn surdumandads cun ils fugitivs, uschia Asselbron.
RR novitads 06:00