L'inscunter suprem tranter il president american Donald Trump ed il dictatur nord-corean Kim Jong Un è ì a fin pli baud che planisà. La ceremonia per suttascriver ina cunvegna è vegnida stritgada.
Ils discurs sajan dentant stads fitg buns e constructivs, ha communitgà l'uffizi presidial american. Trump e Kim hajan discutà pliras soluziuns areguard la discharmaziun atomara ed il sustegn american per il svilup economic da la Corea dal Nord. Ils discurs vegnian cuntinuads dals teams dals dus pajais.
RR novitads 08:00