Siglir tar il cuntegn
Inhalt

Exteriur Nagina influenza dal CIA sin protests en l'Iran

Il CIA n'haja betg instigà ils protests en l'Iran. Quels sajan vegnids dal pievel iranais.

Il directur dal CIA, Mike Pompeo.
Legenda: Il directur dal CIA, Mike Pompeo. Keystone

Il directur dal servetsch secret american Mike Pompeo dementescha ch'il CIA saja involvì en ils protests en l'Iran. Quai saja fauss. Ils protests sajan vegnids dal pievel iranais, ha declerà Pompeo envers l'emettur american Fox News. El ha reagì cun quai sin las renfatschas da l'Iran, ch'il CIA haja inscenà las demonstraziuns en il pajais.

Ils protests sajan vegnids iniziads dal pievel da l'Iran e quel pretendia uschia meglras relaziuns da viver en l'Iran e veglia rumper cun il reschim teocratic. En l'Iran protestan millis da persunas dapi la fin da december cunter pretschs da victualias auts, corrupziun ed il sistem da stadi autoritar.

RR novitads 06:00