La novitad da la retratscha era surprendenta. Fiat Chrysler na vul uss tuttina betg fusiunar cun Renault. En Frantscha na sajan las cundiziuns politicas actualmain betg dadas per ina fusiun. Quai ha communitgà in pledader da Fiat Chrysler. Avant aveva il cussegl d’administraziun da Renault spustà sia decisiun da cumenzar discurs davart ina fusiun, senza inditgar la raschun.
Politica metta cundiziuns
La regenza a Paris ha en princip sustegnì la fusiun, dentant formulà pliras cundiziuns per garantir las plazzas da lavur en Frantscha. Ultra da quai han els vulì ch'il partenari da Renault Nissan vegniss integrads en questa fusiun. Era l'Italia ha pretenì protecziun per las plazzas da lavur indigenas.
L’offerta da fusiunar per 33 milliardas euros, che Fiat ha fatg la fin da matg, avess fatg or dal concern il terz grond construider d’autos dal mund.
RR novitads 06:00