Exteriur - Naginas examinaziuns pli areguard l’Iran
L'autoritad internaziunala per energia atomara IAEA na vegn betg ad intercurir vinavant, co ed en tge dimensiun che l'Iran ha perscrutà en il passà vid armas atomaras.
Il cussegl da guvernaturs da l'IAEA ha relaschà ina resoluziun, hai num ord tschertgels diplomatics a Vienna. Quella cuntegnia dentant era ch'ils implants iranais vegnian survegliads vinavant.
La dispita d'atom appartegnia uss a l'istorgia, ha ditg il minister da l'exteriur iranais, Dschawad Sarif.
