Siglir tar il cuntegn

Header

cuntegn

Naginas incumbensas Africa: sulet indriz per il vaccin da corona pudess far naufragi

L'emprim e sulet indriz per il vaccin da corona en l'Africa pudess far naufragi. La raschun perquai saja, che l'indriz, che sa chatta en l'Africa dal sid, n'haja fin quà survegnì betg ina suletta incumbensa. La dumonda suenter in vaccin saja bassa sin il continent.

Il concern sid-african «Aspen Pharmacare» ha negozià il november passà davart ina cunvegna da licenza per l'emballadi e la vendita dal vaccin da corona da «Johnson & Johnson». Lur vaccin da corona vessan ils sid-africans d’emplenir per tut l’Africa e da vender sut l’agen num «Aspenovax». La quota da vaccinar saja tar enturn 30%. Ina tschintgavla unda saja da spetgar.

Ils pajais africans hajan dentant da cumbatter cun problems logistics. Plinavant manchia era persunal qualifitgà, e la chadaina da sfradentar necessaria per transportar vaccins.

audio
Per tadlar curt e cumpact
ord RTR Audio dals 02.05.2022.
laschar ir. Durada: 5 minutas 4 Secundas.

RTR novitads 06:00

Artitgels legids il pli savens