Siglir tar il cuntegn
cuntegn

Exteriur Naginas mesiras concretas da Varoufakis

Il minister da finanzas grec Gianis Varoufakis na preschenta naginas refurmas a la Conferenza dals ministers da finanzas dals stadis da l'euro.

Gianis Varoufakis
Legenda: Senza ina schliaziun sin la fin da zercladur smanatscha il bancrut statal per la Grezia. Keystone

Tenor Varoufakis na saja la gruppa da l’euro betg ina plattafurma per preschentar posiziuns e propostas, che na sajan avant betg vegnidas discutadas sin plaun pli bass. La delegaziun greca saja però pronta dad elavurar schliaziuns ensemen cun ils partenaris, di Varoufakis en in'intervista en la gasetta tudestga «Bild».

Tractativas disditgas – crediturs èn dumandads

La balla saja ussa tar la troika dals crediturs cun represchentants da la UE, da la Banca centrala europeica e dal Fond monetar internaziunal. Ils crediturs stoppian vegnir cun in mandat cler vid la maisa da tractativas, uschia Varoufakis. Las tractativas da la dumengia a Brüssel hajan numnadamain fatg naufragi, perquai ch’ils crediturs n'hajan betg gì las cumpetenzas da contractar.

Il program d'agid per la Grezia spirescha la fin da zercladur. En quest cas smanatschass lura il bancrut statal.

RR novitads 09:00