Raschun è che l'Italia n'è betg perina cun l'Uniun europeica, co distribuir las persunas salvadas sin ils singuls pajais. Perquai vegn la missiun prolungada, dentant senza navs. Las acziuns dals cuntrabandists da persunas vegnian en l’avegnir observadas or da l’aria. Ed era la scolaziun da la guardia da costa libica giaja vinavant.
La missiun «Sophia» per cumbatter ils cuntrabandists curra or ils 31 da mars. La regenza taliana emprova dapi mais da cuntanscher che betg tut las persunas spendradas sin la mar vegnan transportadas en Italia. Perquai aveva l'Italia smanatschà da bloccar la prolungaziun da la cunvegna.
RR novitads 16:00