A partir da questa dumengia na duain nagins trens pli passar ils trais passagis da cunfin da l'Ungaria en la Croazia. Questa mesira valia l'emprim ina gia per 30 dis, ha i num en l'ordinaziun ch'il minister da l'intern Sandor Pinter ha laschà publitgar ier en il figl uffizial. Quest document na cuntegna betg in'argumentaziun pli detagliada. Sulettamain che questa mesira succedia en l'interess da la segirezza publica.
Pertutgads èn ils posts da cunfin da la viafier a Murakeresztur-Kotoriba, Gyekenyes-Koprivnica e Magyarboly-Beli Manastir.
En il sid fraina l'Ungaria gia cun saivs l'unda da fugitivs. Ed er al cunfin cun la Croazia sa chattan talas barrieras.
RR novitads 10:00