Exteriur - Namaste Nepal

Namaste Nepal. Bundi Nepal. En il Nepal ha la terra tremblì avant 4 mais. Mellis da morts, anc daplis blessads e bleras chasas sbuadas. Ils svizzers han rimnà 31 milliuns francs per las unfrendas en il Nepal. Nus essan stads a guardar co il va a la glieud en il Nepal:

Il turissem in il Nepal, la pitga da l'economia. Ils Nepales dependan dal turissem. Ma ils turists han tema da viagiar en il Nepal. Tge munta quai per ils nepales?

Il agid arriva. Il agid d'urgenza or dal exteriur è arrivà, era cun il spital d'urgenza nua che il medi grischun Reto Eberhard practicescha per 4 emnas. Ma per la reconstrucziun da la terra mancan ils raps.

Uffants en il Nepal. Sin mes viadi tras il Nepal ha jau adina puspe entupà uffants. Era mintgin dad els ha ina istorgia che ha da far insatge cun ils grevs terratrembels. Trais da quellas istorgias ha jau rimnà cun la camera.

Giuvens en il Nepal, era quels dati. Blers giuvens che vivan sin la terra en in mund tradiziunal cun naginas per perspectivas, ed da tschella vart ils giuvens en la chapitala Kathmandu, era els cun pintgas perspectivas. Surda ils giuvens ha jau discurrì cun ils musizists da la band da metal rap Tumbleweed.

...e anc ina geada turissem: Sche il turissem pitescha propi ferm, quai vegn la stagiun auta a mussar. Quella cumenza ussa. Il president da l'organisaziun tetgala da las firmas che organiseschan treckings en il Nepal declera tge che il turissem munta per l'economia dal Nepal.

Changu Narayan, patrimoni cultural mundial... Era il tempel Changu Narayan che è vegnì construì gia avant 1700 onns è donnegià, ma el mussa anc adigna exemplaricamain quant bler cultura che ins po vesair en il Nepal

Ladina Heimgartner, directura da RTR è era la presidenta da la Chadaina da Fortuna. Ella declera en in discurs co il vegn gidà en il Nepal cun ils raps che ils svizzers han rimnà.

Ladina Heimgartner, presidenta da la Chadaina da Fortuna

Casper Nicca è stà per RTR en il Nepal. El ha rimna las istorgias cun la camera. Sur da ses viadi e l'impressiun che quel ha fatg sin el ha il redactur raquintà al Radio.

Uzol Rai, il guid nepales, che maina tras las reportaschas da video è era in fotograf passiunà. El ha documentà il viadi da Casper Nicca cul apparat da fotografar.

Paginas da internet