Il Montenegro po daventar il 29avel commember da la Nato. Tut ils ministers da l'exteriur dals stadis commembers han suttascrit il protocol d’adesiun a Brüssel. Il secretari general da la NATO Jens Stoltenberg ha discurrì dad in pass istoric en quest connex.
Critica vehementa da la Russia
La Russia però ha crititgà la decisiun da la NATO. Ella ha numnà l'extensiun a l'ost da l'Organisaziun dal pact da l'Atlantic dal Nord nuschaivla per la segirezza da la Russia. Senza numnar detagls ha la Russia annunzià ina resposta adequata. Però haja il viceminister Nikolak Pankow sclaus da reagir sin las activitads da la NATO cun in augment da las atgnas truppas.
Extensiun a l'ost
Cun radund 600'000 abitants è il Montenegro il pajais il pli pitschenda l'anteriura Jugoslavia. L'adesiun dal Montenegro è l'emprima extensiun da l'allianza militara dapi il 2009. Lura èn la Croazia e l'Albania daventads commembers da la NATO.
RR novitads 20:00