Il Giapun e la Nato vulan extender lur relaziuns. Sin quai èn sa cunvegnids il president dal Giapun Fumio Kishida ed il secretari general da la Nato Jens Stoltenberg a Tokio.
La guerra en l'Ucraina e che la China rearma ses militar hajan per consequenza ch'il mund stettia en la fasa la pli precara dapi la fin da la Segunda Guerra mundiala, han declerà ils dus politichers. Il Giapun è sco la Nato sin la vart da l'Ucraina.
Pasch e element indispensabel per la segirezza
En vista a novas smanatschas vul la Nato extender sias relaziuns cun las democrazias en l'Asia da l'Ost. Quai aveva la China crititgà dacurt.
Tuttas duas varts han accentuà «l'impurtanza da la pasch e da la stabilitad sco element indispensabel per la segirezza e bainstanza internaziunala».
audio
Per tadlar: las novitads da las 18:00
ord RTR Audio dals 31.01.2023.
laschar ir. Durada: 5 minutas 24 Secundas.