Siglir tar il cuntegn

Header

Navigaziun

stoltenberg
Legenda: Il secretari general da la NATO Jens Stoltenberg na sclauda betg pli rearmaziun cun armas atomaras. Keystone / archiv
cuntegn

Exteriur NATO tema nova discussiun da rearmament atomar

En paucas emnas spirescha l'ultimatum american davart rachetas da mesa distanza da la Russia. En quest connex ha lantschà l'Organisaziun dal pact da l'Atlantic dal nord (NATO) la discussiun davart rearmar cun armas atomaras. Sche la Russia insistia e salvia ses missils da cruschada dal tip SSC-8, lura restia a la NATO mo anc da reagir sin quai, ha ditg il secretari general da la NATO Jens Stoltenberg a l'agentura da pressa tudestga DPA. Davart ils detagls d'ina tala reacziun n'ha Stoltenberg però vetg vulì specular.

NATO preferescha schliaziun en dialog, stuess però reagir

Stoltenberg ha però punctuà da vulair chattar ina schliaziun dal la situaziun en dialog cun la Russia. I saja però la Russia che stoppia agir, perquai che lezza cuntrafetschia al contract da desister dad armas da mesa distanza. Actualmain na dettia quai naginas novs missils da cruschada americans en l'Europa, però bain novs missils da cruschada russ, renfatscha Stoltenberg. Ils SSC-8 russ èn mobils e pon purtar detonaturs atomars - e quai en distanza critica da citads europeicas.

Sco chaschun pussaivla per il dialog cun la Russia vala l'inscunter dals ministers da defensiun da mez favrer.

RR novitads 12:00