Cun questa mesira vul la regenza grecca calmar la situaziun da fugitivs tendida sin las inslas. Cunzunt persunas or da la Siria fugian sur la Tirchia en la Grezia. Dapi l'entschatta da l'onn èn gia 160'000 fugitivs arrivads en la Grezia.
Passentà la notg sut la plievgia
Entant han var 2'000 fugitivs passentà la notg passada sut la plievgia en la regiun da cunfin tranter la Macedonia e la Grezia. Tenor las autoritads greccas sa tracti perfin da 5'000 fugitivs.
La notg ha la polizia rinforzà il filfier cun spinas al cunfin. La polizia da la Macedonia aveva ier tranter auter utilisà bastuns cunter ils fugitivs. Oz percunter ha ella avert il cunfin per plirs tschients da famiglias cun uffants e dunnas en speranza.
RR novitads 14:00