Siglir tar il cuntegn

Header

António Guterres
Legenda: Tenor ses pledader candidescha Guterres ina segunda giada «sche quai saja la voluntad dals stadis commembers». Keystone
cuntegn

Naziuns unidas Guterres vul restar schef da l'ONU

Il secretari general da l’ONU, Antonio Guterres, candidescha per in segund temp d’uffizi da tschintg onns.

Il Portugais da 71 onns è dapi 4 onns schef da l’ONU. Ses temp d’uffizi terminescha la fin da quest onn. Enfin ussa na datti nagins cuntracandidats confermads per Guterres.

Commembers permanents decisivs

L’assamblea generala da l’ONU elegia il secretari general sin proposta dal Cussegl da segirezza. Ils tschintg commembers permanents da quest gremi han in’influenza decisiva sin l’elecziun. Quai èn ils Stadis Unids, la China, la Russia, la Gronda Britannia e la Frantscha. Per part eri vegnì renfatschà a Guterres ch’el saja per part memia precaut envers quests pajais.

Ord la Tagesschau dal zercladur 2020:

video
75 Jahre UNO
Or da Tagesschau dals 25.06.2020.
laschar ir

RTR novitads 22:00

Artitgels legids il pli savens

Scrollar a sanestra Scrollar a dretga