Il manader dal servetsch secret russ FSB, Nicolai Brotnikow, ha confermà che duas persunas sajan vegnidas arrestadas ed il president russ saja vegnì infurmà.
Assassinat per incumbensa
Nemzow era vegnì sajettà giu ils 27 da favrer en il center da Moscau. Las autoritads russas manegian ch'i saja stà in assassinat per incumbensa, motivà politicamain. Ellas persequiteschan differents fastizs.
Nemzow aveva crititgà Putin
Critichers supponan ch'ils responsabels per l'assassinat derivian dal conturn dal Kreml. Nemzow aveva adina puspè crititgà Putin, cunzunt sia politica da l'Ucraina e las agressiuns russas cunter l'Ucraina.
RR novitads 11:00