Radund 300 policists e schuldads sajan al lieu. L'agentura da pressa franzosa AFP ha annunzià ch'intginas persunas hajan survivì. Autras funtaunas scrivan ch'i na dettia nagins survivents.
L’aviun da la societad aviatica «Yeti Airlines» saja crudada giu en la regiun da Pokhara en il vest dal pajais. El saja sgulà da Kathmandu a Pokhara ed era stà curt avant l'atterrament. Davart la raschun da l’accident na datti anc naginas indicaziuns uffizialas.
«Yeti Airlines» è gia pli ditg sin la glista naira da l'Uniun europeica. Pervia da dubis davart la segirtad na pudess quella airline betg sgular en il spazi european.
Pokhara è in lieu enconuschent per far turas da trecking en il Himalaya. Tranter auter sa chatta la muntogna Annapurna en quella regiun. En quella regiun hai gia dà pliras crudadas d'aviuns – per exempel avant in onn, nua che 22 persunas èn mortas.
