En il Nepal è per l'emprima giada entrada en vigur ina constituziun democratica. Quai 9 onns suenter che la monarchia è vegnida abolida. Il parlament ha approvà la constituziun cun 507 da 598 vuschs.
La constituziun introducescha in sistem federalistic cun 7 provinzas che remplazzan il stadi central. Plinavant èn uss il stadi e la religiun separads. L’entrada en vigur è vegnida annunziada dal president Ram Baran Yadav.
Pliras minoritads etnicas sa lamentan però che lur dretgs sajan limitads. Perquai hai dà durant pliras emnas demonstraziuns violentas en il sid dal pajais. 40 persunas èn mortas.
