Siglir tar il cuntegn

Header

cuntegn

Exteriur Netflix limitescha access ord auters pajais

Il servetsch da videos online Netflix limitescha l'access a ses cuntegns or d'auters pajais. Netflix sto cumprar separadamain ils dretgs per films e serias per las differentas regiuns, e perquai è la purschida differenta tut tenor pajais.

Damai che divers utilisaders guntgeschan questa limita d'access cun meds tecnics (chavazzin VPN), ha Netflix annunzià da bloccar proximamain questas pussaivladads. Popular saja cunzunt il program da la purschida americana.

La bloccada da l’access ester via VPN duai entrar en vigur aifer las proximas emnas, uschia Netflix.

Uschia pon utilisaders da Netflix sulettamain guardar ils cuntegns ch’èn destinads per lur pajais. Per che Netflix stoppia en il futur cumprar damain dretgs per cuntegns, s’engascha il concern gia dapi in temp per la producziun d’atgnas serias e films. Quests cuntegns pon lura vegnir emess dapertut a medem temp.

RR novitads 11:00

Artitgels legids il pli savens