Sper las duas «blackboxes» haja la polizia era chattà il handy dal locomotivist. Pertge ch’il tren da pendularis saja sfratgà senza franar en la staziun da New Jersey e sche quai saja stà in sbagl uman u in defect tecnic n’è anc betg cler. La staziun a New Jersey è ina da las staziuns las pli frequentadas da pendularis. 50’000 persunas passan là mintga di.
Il locomotivist da 48 onns haja ditg a la polizia ch'el haja gì sis minutas retard. El sappia anc sa regurdar ch'el haja tibà e lura franà cun entrar en la staziun. Il proxim ch'el sa regordia saja ch'el è sa dasdà sin il plaun da la cabina dal tren.
RR novitads 06:00