Ils abitants da la metropola hajan vairamain tema ha il democrat Bill de Blasio declerà al republican e futur president american Donald Trump.
Jau hai empruvà dad explitgar ad el quanta tema ch’i dat en las communitads da questa citad.
Blers messadis en il cumbat electoral hajan offendì. Perquai ha de Blasio express sias resalvas envers la «politica d'excluder» da Trump. Il plan da repatriar dus fin trais milliuns persunas illegalas vegnia a fruntar sin resistenza tar las autoritads da New York ha ditg de Blasio.
Quai ha communitgà de Blasio suenter l’inscunter persunal cun Trump en il Trump Tower a New York. L’inscunter haja durà var in’ura e saja stà, malgrà «differenzas considerablas», da caracter respectus.
RR novitads 06:00