Exteriur - Nicaragua vul novas elecziuns da president
Daniel Ortega è vegnì confermà sco president da la Nicaragua. Quai communitgescha l'uffizi electoral suenter avair dumbrà ora in 5avel da las vuschs. Ortega haja survegnì passa 70% da las vuschs.
Gia avant las elecziuns aveva Ortega pli u main eliminà l'opposiziun cun meds giuridics. Adversaris da la regenza avevan appellà da boicottar las elecziuns.
Pervi da la bassa participaziun da sut 30% e perquai che partidas criticas envers la regenza èn vegnidas sclausas, na vul l'opposiziun betg acceptar l'elecziun e pretenda elecziuns novas.
