Nigeria elegia guvernaturs

Duas emnas suenter l'elecziun dal president en Nigeria han cumenzà las elecziuns dals guvernaturs e dals parlaments regiunals.

In um dat giu sia vusch per las elecziuns Bild in Lightbox öffnen.

Legenda da maletgs: En la Nigeria stat la glieud en colonna per ir a vuschar. Reuters

Tenor retschertgas pudess la partida dal president nov elegì - Muhammadu Buhari far danovamain la cursa. Buhari aveva gudagnà l'elecziun cunter il president en uffizi Goodluck Jonathan. Igl è stà l'emprima midada democratica en la Nigeria.

Polizia ed armada èn en acziun en l'entir pajais rapportan agenturas da novitads. Las autoritads teman d'ina vart demonstraziuns politicas da l'autra vart aveva la milissa da terror Boko Haram smanatschà cun violenza. En la Nigeria ha passa 70 milliuns persunas il dretg d’eleger.

RR novitads 17:00