Exteriur - Nikkei para puspè stabil suenter las turbulenzas
Suenter las turbulenzas da las emnas passadas para la bursa en il Giapun da sa revegnir: Il Nikkei a Tokio ha serrà cun in ferm plus da 5,88% tar 16'959 puncts.
La raschun per questa midada èn tenor ils analists per l'ina ils pretschs dad ieli che paran da sa revegnir in zic. Per l'autra speculaziuns tenor questas la Banca centrala europeica EZB pudess schluccar sia politica monetara anc pli fitg la primavaira.
Ier aveva l'EZB annunzià da laschar il tschains directiv sco fin ussa tar 0,05%.
