Siglir tar il cuntegn

Exteriur Nivel da tschendra da l'Etna sforza da serrar l'eroport Catania

Sco quai che l'eroport sin la Sicilia annunzia, hajan els stritgà u svià plirs sgols pervì dal nivel da tschendra.

Ina da las ultimas erupziuns dal vulcan Etna il mars 2017.
Legenda: Ina da las ultimas erupziuns dal vulcan Etna il mars 2017. Keystone

Els hajan bain empruvà da schubregiar las pistas da la tschendra, la situaziun saja dentant critica, uschia ils responsabels da l'eroport vinavant. La bloccada vala almain fin sonda mezdi.

Las novas erupziuns dal vulcan Etna han cumenzà avant duas emnas. Pliras persunas eran vegnidas blessadas l'emna passada pervi d'ina explosiun.

RR novitads 11:00