Siglir tar il cuntegn

Exteriur Nizza: Plants cunter autoritads franzosas

Confamigliars da las unfrendas da l'attentat da Nizza han purtà plant cunter la Frantscha e las autoritads da Nizza. Els han crititgà che las mesiras da segirezza sin la promenada sajan stadas insuffizientas.

Anc adina vegnan messas fluras a la „Promenade des Anglais“ en memoria per las victimas da l’attentat a Nizza.
Legenda: Anc adina vegnan messas fluras a la «Promenade des Anglais» en memoria a las victimas da l’attentat. Keystone

Fin ussa haja dà quatter plants, ha ditg il procuratur public da Nizza Jean-Michel Pretre. Critichers renfatschan a las autoritads, tranter auter, che blocs da betun a l'entschatta da la zona da peduns hajan mancà.

Mez fanadur era in attentader charrà cun in camiun en ina fulla da persunas. 84 persunas èn mortas e 300 èn vegnidas blessadas.

RR novitads 20:00