Nizzegiar pausa da cumbat en Siria per purtar agid

Las Naziuns Unidas vulan trair a niz la pausa da cumbat en la Siria e transportar nutriment en numerusas citads occupadas. En ils proxims dis duajan radund 154’000 persunas en territoris enserrads vegnir provedidas.

Maletg simbolic: Transports d'agid arrivan en la vischinanza da Damascus en Siria, ils 17 da favrer 2016. Bild in Lightbox öffnen.

Legenda da maletgs: Maletg simbolic: Transports d'agid arrivan en la vischinanza da Damascus en Siria, ils 17 da favrer 2016. Keystone

Tenor stimaziuns da l’ONU è radund in mez milliun persunas bloccadas en citads e vitgs, e quai da differentas partidas da conflict. La pausa da cumbat porschia la pli gronda schanza a la populaziun siriana dapi tschintg onns.

Transports d'agid n'èn betg avunda

Il provediment cun rauba d’agid na vegnia dentant betg ad esser avunda per meglierar la situaziun. Per quai saja in process politic necessari, cun il qual la guerra civila possia vegnir terminada.

Ils transports d’agid duajan tenor in coordinatur da l’ONU cumenzar glindesdi a Moadamija e silsuenter er cuntanscher citads sco Sabdani, Kufreija, Fua e Madaja.

RR novitads 06:00