La sonda suentermezdi era la nav cruschera «Viking Sky» vegnida durant in stemprà en privel da mar, perquai che trais da quatter motors eran crudads ora. En in'acziun da salvament cun helicopters èn passa 400 passagiers vegnids evacuads. En tut hajan 17 dad els stuì vegnir transportadas en l'ospital. Trais da quels èn grevamain blessads. En tut sa chattavan la sonda 1'373 persunas a bord.
Entant communitgeschan las autoritads che trais da quatter motors funcziunian puspè e che la nav cruschera vegnia manada cun agid da runanavs en il port da Molde.
Legenda:
Tranter Trondheim e Bergen sin l'autezza da Molde è la nav cruschera vegnida en privel da mar.
Screenshot. Google Maps
Il bastiment «Viking Sky» è vegnì fabritgà a fin il 2017 ed è norvegiais. La cruschera era da viadi da Tromsö a Stavanger, cura ch'ella è vegnida en privel da mar.
RR novitads 06:00